تبلیغات
سایت ادبیات - هابیل یاشاردان بیر شئعیر// آیدین موغانلی


مدیر وبسایت : ابراهیم قاسمی
کل بازدید:
بازدید امروز :
بازدید دیروز :
بازدید این ماه :
بازدید ماه قبل :
تعداد کل مطالب :
آخرین بازدید :
آخرین بروز رسانی :

 

 

شئعیر: بیرآز سن دؤشموسن یادیما منیم

شاعیر: هابیل یاشار

کؤچورن: ابراهیم قاسمی (آیدین موغانلی)

 

بیرآز سن دؤشموسن یادیما منیم

بیر آز دا اؤزومو اونوتموشام من

یئنه قارا گئییب خاطیره­لریم،

یئنه سنسیزلیکدن اود توتموشام من.

 

یئنه آداملاردان اوزاقلاشمیشام،

قریبه گؤرونور سئونلر منه.

اؤزوم اؤز ایچیمده ایتیب باتمیشام

جهنّمه گولسون گولنلر منه.

 

یئنه گؤزلریمین یوخوسو قاچیب

یئنه راحاتلیغیم چکیلیب دارا

هر سحر یوخلوغون اوزومه آچیب،

داها درینلشیر ایچیمده یارا.


بودا بیر عؤموردور، یاشایریق بیز،

نه ائدک طالعدن قاچا بیلمیریک.

سئوگیله دؤیسه­ده اورکلریمیز،

ووصال یوللارینی آچا بیلمیریک.

 

 بیر آزدا سنسیزلیک دَییشیب منی،

دئییرلر یامانجا کؤوره­ک اولموشام.

دوستلار تعریفلردی جسارتیمی،

ایندی بیر یارپاقدان تیتره­ک اولموشام.

 

 

 بیر آزلار، بیر آزلار بیتیب توکنمز،

سایسام دردیم کیمی آزالمایاجاق.

یازدیغیم شئعیرلر کاریما گلمز،

نَقَدَر یازسامدا سن اولمایاجاق.



نوشته شده توسط ابراهیم قاسمی در یکشنبه 21 خرداد 1396 و ساعت 09:05 قبل از ظهر [+] | نظرات ()
Copyright © 2009- sinaylin™
نظر شما در مورد مطالب سایت؟