تبلیغات
سایت ادبیات - حاج عبدالرحمن طیار (ده ده کاتب) دن بیر شئعیر


مدیر وبسایت : ابراهیم قاسمی
کل بازدید:
بازدید امروز :
بازدید دیروز :
بازدید این ماه :
بازدید ماه قبل :
تعداد کل مطالب :
آخرین بازدید :
آخرین بروز رسانی :

حاج عبدالرحمن طیار (ده ده کاتب) دن بیر شئعیر

سئچیم: آیدین موغانلی

«بیزیم دگیل»

 

 قادر آللاه بو نه شوردور زاماندا
باخچا بیزیمکی دیر، گول بیزیم دگیل
سن بؤلن بؤلگولر قبول اولمادی
پتک بیزیمکی دیر، گول بیزیم دگیل

باهار چاغی گؤی گئیینیر صحرالار
ذوقا گلیب دالغا وورار دریالار
یاغمور یاغار یاشیل لانار دریالار
یایلا بیزیمکی دیر، ائل بیزیم دگیل

قوردا یول وئردیلر خائین چوبانلار
خارا یولداش اولدو ناشی باغبانلار
اود آلیب معدن لر، آلیشدی کانلار
معدن بیزیمکی دیر، لعل بیزیم دگیل

نه طوفان دیر نه غوغادیر نه دومان
آتش آلیب خرمنیمیز یان ها یان
ده ده کاتیب دیلین ساخلا ، دور ، دایان
اوره ک بیزیمکی دیر، دیل بیزیم دگیل



نوشته شده توسط ابراهیم قاسمی در سه شنبه 2 خرداد 1396 و ساعت 08:36 قبل از ظهر [+] | نظرات ()
Copyright © 2009- sinaylin™
نظر شما در مورد مطالب سایت؟