تبلیغات
سایت ادبیات - «آغری یا بیر ایکی سؤز»// آیدین موغانلی


مدیر وبسایت : ابراهیم قاسمی
کل بازدید:
بازدید امروز :
بازدید دیروز :
بازدید این ماه :
بازدید ماه قبل :
تعداد کل مطالب :
آخرین بازدید :
آخرین بروز رسانی :

«آغری یا بیر ایکی سؤز»

شاعیر: علی کریم

کؤچورن: ایبراهیم قاسیمی (آیدین موغانلی)

 

آغری، یاخین گلمه،

گیرمه آرایا،

گئت.

یوخدور اؤلومدن چکینَجه ییم.

حیاتی قورخمادان نئجه آلیبسا

ائله ده وئره جک منیم اورَه ییم.

دَییشمه رنگ لری،

قارالتما گونو،

اؤلومون گؤزونون ایچینه باخیم.

کیمدی وکیل ائدن سنی، بیلمیرم.

چکیل، گئت، آوارا،

اوزلو قوناغیم!..

دوغروسو اؤلومده یادیمدان چیخیب-

سوخولوب گیرمیسن آرامیزا سن.

دئه، قورویورسان

منیمی اؤلومدن؟

اونومو مندن؟

قوی گؤروم کیشینین صیفتینی بیر.

قوی باخیم،

آنلاییم کیمدیر دوشمنیم.

گؤروم اؤلوموده اولدوغو کیمی،

دوزلویون وورغونو کؤنلومدور منیم.

اؤلوم خسته خانادا

زهله می دؤکدو منیم.

اوول چیرپیندی قلبیم،

اوشودوده بدنیم.

اوزانیرام..."تیق"...قاپی

دوروب گزیرم، -"تاراق".

لاپ قیر ساققیزا دؤنوب،

ایش-گوجو بوراخاراق.

هئی گلدی، گئتدی، باخدیم

اونا گولومسه یرک،

اؤیرندیم ایلان توتان

ایلانا آلیشان تک.

هفته گئچدی، گلمدی.

قاپی- باجایا باخدیم.

دوغروسو، دوستوم اوچون

بیر قَدَرده داریخدیم.

دئدیم، بیرجه گَلَیدی،

گلیب گؤرَه یدی منی.

کؤچونو بیر دفه لیک

بو یئرلردن سورَیدی،

یوخودا گؤردوم اونو:

بویلاندی سولا، ساغا،

گیردی اَن آخیرداکی

آه- اوف گلن اتاغا.

دوروب گئتدیم...

زهرلی

دیلی لاپ بال دادیردی،

بیر ساده لوح، بیر گؤزل

گلینی آلدادیردی.

                                 1969

 



نوشته شده توسط ابراهیم قاسمی در شنبه 28 آذر 1394 و ساعت 10:52 قبل از ظهر [+] | نظرات ()
Copyright © 2009- sinaylin™
نظر شما در مورد مطالب سایت؟