تبلیغات
سایت ادبیات - پاییز سئوگیسی/ عاکیف علی یئو///ایبراهیم قاسیمی (آیدین موغانلی)


مدیر وبسایت : ابراهیم قاسمی
کل بازدید:
بازدید امروز :
بازدید دیروز :
بازدید این ماه :
بازدید ماه قبل :
تعداد کل مطالب :
آخرین بازدید :
آخرین بروز رسانی :

«پاییز سئوگیسی»

شاعیر:«عاکیف علی یئو»

کؤچورن: ایبراهیم قاسیمی (آیدین موغانلی)

 

سن گئجه کیمه سه مساژ یازارکن

من سنین دردیندن شئعیر یازیرام.

سن اؤزگه قلبینده ایتیب آزارکن

من سنین قلبینده قبیر قازیرام.

 

سنی اؤزگه بیریسی گؤروشه چاغیریر

منسه یوخولاریما دعوت ائدیرم.

اونو گؤرمه ینده قلبین داریخیر؟

منسه داریخدیغیوا لعنت ائدیرم.

 

سنین اوچون منسیزده خوش گئچیر حیات

منسه قارا بختیمی قارالامیشام.

سن منی لاغا قوی، منه درمان سات،

چونکی اؤزوم اؤزومو یارالامیشام!

 

حیات نه قریبه دیر، ائله دئییلمی؟

من سنی سئویرم، سنسه اؤزگه نی.

حیاتین قانونو بئله دئییلمی؟

موطلق دی سئومه یه سن سنی سئونی!

 

بلکه ده ناقیص دیر بیر آز یاراشیغیم

بلکه بینمه دین سبب بو اولدو.

ایمکانیم ضعیف دیر، یوخدور ماشینیم،

کاسیب دوغولاندا کاسیب دوغولدو.

 

نه اولار اوزونو گیزلتمه مندن

بیرگون گلجه یم گؤرمه یه سنی.

من توتا بیلمه دیم سنین الیندن

پاییزسا تلسیر اؤپمه یه سنی.

1394 شهریور آیی (سئنتیابر 2015)- باکی

 

 

 



نوشته شده توسط ابراهیم قاسمی در شنبه 18 مهر 1394 و ساعت 03:04 بعد از ظهر [+] | نظرات ()
Copyright © 2009- sinaylin™
نظر شما در مورد مطالب سایت؟