تبلیغات
سایت ادبیات - M.Ə.Sabir\\İbrahim Qasimi (Aydın Muğanlı)a


مدیر وبسایت : ابراهیم قاسمی
کل بازدید:
بازدید امروز :
بازدید دیروز :
بازدید این ماه :
بازدید ماه قبل :
تعداد کل مطالب :
آخرین بازدید :
آخرین بروز رسانی :

بوگون سیزی «م.ع.صابیر» ین یوز ایل بوندان اوول درین یوخولارا باتمیش موسلمان قارداشلارینا یازدیغی گوزل بیر شئعیره قوناق ائتمک ایسته ییرم. بو ابدی اثری، بوتون «هله ده یاتمیش قارداش-باجیلارا» ایتحاف ائدیرم ودئییرم کی: آییلانلار هامیسی پئشماندیر. ان گوزل ایش، البتته کی یاتماقمیش؛ یاتین دوستلار.

شئعیر: میرزه علکبر صابیر

کوچورن: ابراهیم قاسمی (آیدین موغانلی)

ترپنمه آماندیر، بالا، غفلتدن آییلما

آچما گوزونو، خواب جهالتدن آییلما
لای لای، بالا، لای لای!
یات، قال دالا، لای لای!

آلدانما، آییقلیقدا فراغت اولا هیهات!
غفلتده کئچنلر کیمی لذت اولا هیهات!
بیدار اولانین باشی سلامت اولا، هیهات!
آت باشینی یات، بستر راحتدن آییلما

لای لای، بالا، لای لای!
یات، قال دالا، لای لای!


آچسان گوزونو رنج، مشققت گوره‌جکسن
میللتده غم، اوممتده کدورت گوره‌جکسن
قیلدیقجا نظر میللته، حئیرت گوره‌جکسن
چک باشینا یورغانینی، نیکبتدن آییلما
لای لای بالا، لای لای!
یات، قال دالا، لای لای!


بیر لحظه آییلدینسا قوتار جانینی، یوخلا
آت تریاکینی، چک،‌بابا قلیانینی، یوخلا
اینجینسه ساغین وئر یئره سول یانینی، یوخلا
ایللرجه شعار ائتدیگین عادتدن آییلما
لای لای، بالا، لای لای!
یات، قال دالا، لای لای!


گوز نوری‌دیر اویقو، اونو دور ائتمه گوزوندن
یول وئرمه مبادا چیخا بیر لحظه سوزوندن
امما ائله برک یوخلاکی حتی گئت اوزوندن
آفاقی دوتان شور و قیامتدن آییلما
لای لای، بالا، لای لای!
یات، قال دالا، لای لای!

 

 



نوشته شده توسط ابراهیم قاسمی در پنجشنبه 11 اردیبهشت 1393 و ساعت 10:30 قبل از ظهر [+] | نظرات ()
Copyright © 2009- sinaylin™
نظر شما در مورد مطالب سایت؟